يعني ايه ERP !

يعني ايه ERP !

- بأختصار معناها الحرفي هو Enterprise Resource Planning يعني تخطيط موارد الشركة ،بمعني انه عبارة عن نظام تقني System بيربط اقسام الشركة المختلفة ببعضها والاعمال من خلاله بتبقي اسهل واسرع وطبعا بيتم تحميل البيانات الكاملة لكل الاجراءات والاعمال اللي بتتم عليه علشان يسهل علي الادارات استخراج التقارير المطلوبة لكل ادارة.

- نظام بيساعد بشكل كبير جدا علي نمو الشركة ،لانه بيقوم بتخطيط موارد الشركة او المؤسسة علي الوجه الاكمل وبيقلل نسب الخطأ وبيعلي صفة الالتزام وحفظالبيانات وسرعة استخراجها بالشكل اللي بيفضله كل موظف او مدير.

- يعني نقدر نقول انه مش مجرد System تقني لكن نقول انه تخطيط حقيقي للشركة علي مستوي البيزنس والاعمال وان اللي بيقوم بتنفيذه لابد من انهم يكونوا علي وعي كبير بالبيزنس والاعمال بنفس درجة اجادتهم للERP Systems / Solutions.

اشهر شركات انتاج الERP من حيث الجودة علي النحو التالي:
SAP ساب.
Oracle اوريكال.
Microsoft ميكروسوفت.
Odoo اودو.

في مثال زي الساب SAP مثلا يعد من اغلي الERP systems في العالم وثمنه بملايين.. ويأتي بعده من حيث الجودة والسعر Oracle ثم اخيرا للشركات المتوسطة Microsoft.

يعني نقدر نقول ان الشركات اللي بتستخدم SAP بتكون شركات ضخمة وكبيرة جدا ولديها رأس مال وعدد موظفيين كبير وهذه الشركات معظمها بتكون Multinationals.

لذلك معرفة الموظف او اي باحث عن عمل بالSAP بتكون ميزة كبيرة جدا تميزه للعمل بمثل هذه الشركات.

مش بس تقدر كباحث عن عمل او موظف تكون مستخدم ساب SAP User لكن كمان تقدر تكون SAP Super user وكمان SAP Consultant بحسب رغبتك. وكأستشاري ساب SAP Consultant بتكون مسئول عن اما عمل تصطيب للسيستم بحسب شكل البيزنس اللي الشركة بتتبعه وبحسب دايرة العمل اللي بتشتغلها او بتكون مسئول عن حل المشاكل اللي بتحصل او اجراء اي تعديل اثناء العمل علي السيستم.

طبعا النظام بيبقي متقسم بحسب كل قسم ،لذلك فهو عبارة عن Modules وتقدر الشركات تاخد الModule اللي يعجبها من النظام ،يعني لا يشترط ان الشركة تشتري كل الModules للنظام او البرنامج.

الاقسام دي زي مثلا:
-الحسابات -الHR (الموارد البشرية) -المتشريات -المبيعات -التسويق -التصنيع والتوزيع -المخازن الخ..

طبعا بالرغم ان النظم والبرامج دي بتساهم في ثراء وارباح الشركة وفي نموها الي انها بتقلل العمالة زي وقت اختراع الاآلة اللي بدورها قللت العمالة واقتصرتها علي عامل لتدويرها وهي تكون مسئولة عن الانتاج بشكل مباشر.

يعني قللت الروتين وبطء الاجراءات وعدد الموظفيين الاداريين والمديرين كمان.
_______________
بكدة نكون حاولنا بقدر استطاعتنا شرح يعني ايه الERP بشكل مبسط قدر الاستطاعة ،لو حد عنده اضافات تساهم في اثراء المعرفة ،نقدر ننشرها ونتشرف جدا.
_______________

للاسفسارات كلمنا: 01022229146.